56. വാഴ്ത്തുവിന്‍ ക്രിസ്തുയേശുവിന്‍ പാദം
വാഴ്ത്തുവിന്‍ ക്രിസ്തുയേശുവിന്‍ പാദം വന്ദിപ്പിന്‍
രക്തം ചിന്തി വീണ്ടെടുത്ത ജീവനാഥനെ
വാഴ്ത്തുവിന്‍ വീണു വന്ദിപ്പിന്‍
1 ഇല്ലില്ലിതുപോല്‍ നല്ലോരു നാഥന്‍
എല്ലാര്‍ക്കുമായ് തന്‍ ജീവന്‍ വെടിഞ്ഞവന്‍
എല്ലാ നാവുമേറ്റു ചൊല്ലണം കര്‍ത്താവെന്നു ചൊല്ലണം
എല്ലാ മര്‍ത്ത്യരും തന്‍ മുന്‍വണങ്ങണം മുഴങ്കാല്‍ മടക്കണം-
2 വീടുവിട്ടോടി പാപക്കുഴിയില്‍
വീണുവലഞ്ഞു കാണാതെ പോയി നാം
വേറില്ലാരും കണ്ടെടുക്കുവാന്‍ നമ്മെ വീണ്ടെടുക്കുവാന്‍
വീട്ടിലെത്തുംവരെ തോളിലേന്തുവാന്‍ സ്നേഹക്കയ്യില്‍
താങ്ങുവാന്‍
3 സ്വര്‍ഗ്ഗത്തിലുമീ ഭൂമിയിലും താന്‍
സര്‍വ്വാധികാരം പ്രാപിച്ച നായകന്‍
ആകയാല്‍ തന്‍സേവ ചെയ്യുവിന്‍ പാദസേവ ചെയ്യുവിന്‍
ലോകാവസാനംവരെ കൂടയുണ്ടവന്‍ മാറാതെന്നുമുണ്ടവന്‍
4 കൈവേലയല്ലാ വീടൊന്നു വിണ്ണില്‍
കൈവശമാകും നമ്മള്‍ക്കു ഭാവിയില്‍
കാന്തനോടൊത്താനന്ദിച്ചിടാം അവിടാശ്വസിച്ചിടാം
കാലാകാലങ്ങളായ് വിശ്വസിച്ചവരെല്ലാമൊന്നു ചേര്‍ന്നിടും
Download pdf