75. സ്തോത്രം ശ്രീ മനുവേലനേ, മമപ്രിയ
സ്തോത്രം ശ്രീ മനുവേലനേ, മമപ്രിയ യേശുനാഥാ
വിണ്മയനാം നീ മണ്മയനായ് മമ കൊടുംപാപത്തെ നീക്കി
1 ആഴമുള്ള വന്കുഴിയില് കുഴചേറ്റില് വീണവന് ഞാന്
താണിറങ്ങി കരകേറ്റി പാറയില് കാലുകള് നിറുത്തി-
2 നവഗാനം പാടിടുവാന് ഗമനത്തെ സ്ഥിരമാക്കി
ദേഹമിതാ സമര്പ്പിക്കുന്നേ ലോകത്തിന് മോഹങ്ങള് വെടിഞ്ഞു
3 ദാരുണമായ് അടിയേറ്റു മുറിവുകളാല് നിണമണിഞ്ഞു
നിന്ദകളാല് മനംതകര്ന്നു കുരിശതില് നീ തലചായിച്ചു
4 ഉടയുന്നേ മമഹൃദയം നിറയുന്നേ നയനങ്ങള്
വര്ണ്ണിക്കുവാന് നിന്വ്യഥകള് നീറുമെന് മനസ്സിന്നാവില്ലേ-
5 സ്നേഹിക്കും സേവിക്കും വന്ദിക്കും കാലമെല്ലാം
കീര്ത്തിക്കുമേ പാടിടുമേ നിസ്തുലസ്നേഹ ദയാപരനേ-
Download pdf