248. ദൈവമേ നീ കൈവെടിഞ്ഞോ
ദൈവമേ നീ കൈവെടിഞ്ഞോ
കാല്‍വറിയില്‍ നിന്‍സുതനെ
താനുറക്കെ കേണിടുന്നു പ്രാണനെ വെടിഞ്ഞിടുന്നു
1 ഏകയാഗം മൂലമാര്‍ക്കും ഏകുവാനായ് മോക്ഷമാര്‍ഗ്ഗം
ലോകപാപമാകവേ നീ ആക്കി തന്മേല്‍ നിഷ്കാരുണ്യം-
2 പാപമറിയാത്തവനെ ഞാനവനില്‍ ദൈവനീതി
ആകുവതിന്നായെനിക്കായ് പാപമാക്കിതീര്‍ത്തോ ദേവാ!-
3 മൃത്യുവില്‍ നിന്നെന്‍റെ പ്രാണന്‍ വീഴ്ചയില്‍ നിന്നെന്‍റെ കാല്‍കള്‍
കണ്ണുനീരില്‍ നിന്നു കണ്‍കള്‍ നിര്‍ണ്ണയം വിമോചിപ്പാനായ്-
4 എന്‍വിലാപം നൃത്തമാകാന്‍ എന്‍റെ രട്ടഴിഞ്ഞുപോകാന്‍
സന്തതം സന്തോഷമേകാന്‍ സ്വര്‍ഗ്ഗനാടെന്‍ സ്വന്തമാകാന്‍-
5 പാര്‍ത്തലത്തിലെത്രകാലം പാര്‍ത്തിടും ഞാനത്രനാളും
കീര്‍ത്തിച്ചിടും സ്തോത്രം ചെയ്യും വാഴ്ത്തിപ്പാടും ഹല്ലേലുയ്യാ!
Download pdf