454. ഒന്നേയുള്ളെനിക്കാനന്ദമുലകില്‍
1 ഒന്നേയുള്ളെനിക്കാനന്ദമുലകില്‍ യേശുവിന്‍ സന്നിധിയണയുവതേ
അന്നേരം മമ മാനസഖേദം ഒന്നായകലും വെയിലില്‍ ഹിമംപോല്‍
2 മാനം ധനമീ മന്നിന്‍ മഹിമകളൊന്നും ശാന്തിയെ നല്‍കാതാം
ദാഹം പെരുകും തണ്ണീരൊഴികെ ലോകം വേറെ തരികില്ലറിക-
3 നീര്‍ത്തോടുകളില്‍ മാനെപ്പോലെന്‍ മാനസമീശനില്‍ സുഖം തേടി
വറ്റാജീവജലത്തിന്‍ നദിയെന്‍ വറുമയെയകറ്റി നിര്‍വൃതിയരുളി-
4 തന്‍ബലിവേദിയില്‍ കുരികിലും മീവലും വീടും കൂടും കണ്ടതുപോല്‍
എന്‍ബലമാം സര്‍വ്വേശ്വരനില്‍ ഞാന്‍ സാനന്ദമഭയം തേടും സതതം-
5 കണ്ണീര്‍ താഴ്വരയുണ്ടെനിക്കനവധി മന്നില്‍ ജീവിത പാതയതില്‍
എന്നാലും ഭയമെന്തിനെന്നരികില്‍ നന്നായവന്‍ കൃപമഴപോല്‍ ചൊരികില്‍-
Download pdf