596. കരുതിടുമെന്‍റെ അരുമനാഥന്‍
കരുതിടുമെന്‍റെ അരുമനാഥന്‍
കരുണയോടെന്നും ചിറകടിയില്‍
1 വേണ്ട ഖേദം തെല്ലും മനമേ ജീവിതഭാരങ്ങള്‍ പെരുകിടുമ്പോള്‍
ക്ഷോണിയിലെ ഈ ക്ഷീണമെല്ലാം മാറും
അവന്‍കരങ്ങളില്‍ നിന്നെ സമര്‍പ്പിക്കുമ്പോള്‍-
2 കഷ്ടങ്ങള്‍, രോഗങ്ങള്‍, പ്രതികൂലങ്ങള്‍
ഒട്ടൊഴിയാതെ വന്നാഞ്ഞടിച്ചാല്‍ ഇഷ്ടനാമേശു നിന്നരികിലുണ്ട്
സ്പഷ്ടമായ് നിന്നെ വഴി നടത്താന്‍-
3 ശത്രുവിന്‍ ഭീകരയൊളിയമ്പുകള്‍ ശക്തിയായ് നിന്നില്‍ പതിച്ചിടുമ്പോള്‍
ശക്തിയില്ലെന്നു നീ ധരിച്ചിടുന്നോ?
ശാശ്വതഭൂജങ്ങള്‍ നിന്‍കീഴെയുണ്ട്-
4 മനം തകര്‍ന്നിടുന്ന വേളകളില്‍ കനിവില്ലാതെ പലര്‍ പഴിച്ചിടുമ്പോള്‍
കണ്ണീര്‍ വാര്‍ക്കുന്നൊരേശു നാഥന്‍
സ്നേഹത്തണ്ണീരാലുള്ളം തണുപ്പിക്കുന്നു-
Download pdf