Lyrics : K.V.S യേശുവില് സ്നേഹമുള്ള സോദരരേ വരുവിന്
കാണുവിന് ദേവജാതന് യോര്ദ്ദാന് നദീജലത്തില്
നിമജ്ജനം കഴിപ്പാന് വന്ന ചരിതമോര്ത്തിടുവിന്
1 സ്നാപകയോഹന്നാനാല് സ്നാനം പ്രതിഗ്രഹിപ്പാന്
ഗാലീല്യനാട്ടില് നിന്നു ദൂരത്തു വന്നു നാഥന്
നമുക്കു മാതൃകയാം തന്നെ തുടര്ന്നു പോകുക നാം-
2 തന്നെത്തടയുന്നിതാ സ്നാപകന് താഴ്മയോടെ
നിന്നാലടിയന് സ്നാനമേല്ക്കണ്ടതായിരിക്കെ
അരുമനാഥനെ നീയെന്നരികില് വന്നിടുന്നോ-
3 യേശു പറഞ്ഞുടനെ ദൈവികനീതികള്ക്കു
സാഫല്യമേകിടുവാന് ഞാനിങ്ങു വന്നിരിപ്പൂ
മറുത്തുചൊന്നിടാതെ സ്നാനം കഴിക്ക സമ്മതമായ്-
4 യോഹന്നാനീവചനമംഗീകരിച്ചതിനാല്
യേശു മുഴുകിയിതാ യോര്ദ്ദാന് നദീജലത്തില്
കയറി യേശുനാഥന് ദിവ്യമഹിമ പൂണ്ടവനായ്-
5 വെള്ളിക്കു തോല്വി നല്കും വെള്ളത്തിരയ്ക്കടിയില്
കൊള്ളിച്ചു മുന്കഴിഞ്ഞ കൊല്ലങ്ങളാകെയവന്
പുതിയവേല ചെയ്വാന് താതനരുളി തന്നെയവന്-
6 ഒന്നാം മനുഷ്യനു നാം എന്നേക്കുമായ് മരിച്ചു-
വെന്നുള്ള സത്യമഹോ കാട്ടുന്നു കര്മ്മമിതു
പുതിയജീവനത്രേ മേലാല് ഭരണം ചെയ്വു നമ്മെ-
7 തന്നോടുകൂടി നാമും ഒന്നായ് മരിച്ചുയിര്പ്പാന്
ഒന്നാം മനുഷ്യനെ നാം യോസേഫിന് കല്ലറയില്
പിടിച്ചു സംസ്കരിപ്പിന് സ്നാനജലത്തിലാണിടുവിന്-
8 ഭൂമിയില് മൂവരല്ലോ സാക്ഷ്യം പറവതോര്ത്താല്
ആത്മാവു വെള്ളമതും പിന്നീടു ശോണിതവും
ഇവയില് വെള്ളമത്രെ സാക്ഷ്യം വഹിപ്പതിസ്സമയെ-
9 ജീര്ണ്ണമാം നാശജഡം ഭൗമിക കല്ലറയില്
സംസ്കാരം ചെയ്തു നമ്മള് ധൂളിയായ് തീര്ന്നിടുകില്
ഉയർപ്പിൻ കഞ്ചുകത്തെ നമ്മള് ധരിക്കുമന്ത്യനാളില്
Download pdf