764. വിശ്വസത്താല്‍ ഞാന്‍ ക്രൂശി
1 വിശ്വസത്താല്‍ ഞാന്‍ ക്രൂശില്‍ പാതയില്‍
യേശുവിന്‍റെ കൂടെ യാത്ര ചെയ്കയാം
ശാശ്വതനാട്ടിലെന്‍ വാഗ്ദത്ത വീട്ടില്‍ ഞാന്‍
ആശ്വാസഗീതം പാടി പോകയാം-
സ്തോത്രഗീതങ്ങള്‍ പാടി മോദമായ്
മോക്ഷയാത്ര പോകുന്നു ക്രൂശിന്‍ പാതയില്‍
ആകുലമേറിലും ഭീരുവായ് തീരാതെ
സ്വന്തവീട്ടില്‍ പോകയാം
2 കാരിരുള്‍ മൂടും ഘോരവേളയില്‍
കാത്തുകൊള്ളുമെന്നെ കര്‍ത്തന്‍ ഭദ്രമായ്
ക്ഷീണിതനായ് ഞാന്‍ തീരിലും മാറാതെ
പാണിയാല്‍ താങ്ങും നല്ല നായകന്‍-
3 ഭൗതിക ചിന്താഭാരമാകവേ വിട്ടു
നിത്യജീവപാതേ പോകും ഞാന്‍
ഇന്‍പമാണെങ്കിലും തുന്‍പമാണെങ്കിലും
യേശുവില്‍ ചാരി യാത്ര ചെയ്യും ഞാന്‍-
4 ഈ ലോകസൗഖ്യം വേണ്ട തെല്ലുമേ
വിട്ടുപോന്നതൊന്നും തേടുകില്ലമേല്‍
ക്രിസ്തുവിന്‍ നിന്ദയെന്‍ ദിവ്യനിക്ഷേപമായ്
എണ്ണി ഞാന്‍ സീയോന്‍ യാത്ര ചെയ്തിടും-
5 സ്വര്‍ലോകനാട്ടിലെത്തി ഞാനെന്‍റെ
പ്രിയനൊത്തുവാഴും കാലമോര്‍ക്കുമ്പോള്‍
ഇന്നെഴും ദു:ഖങ്ങളല്‍പനാള്‍ മാത്രമാ-
ണെന്നാളും പിന്നെ ഇന്‍പഭാഗ്യനാള്‍-
Download pdf