811. അരുമാതാതാ! അയ്യോ
അരുമാതാതാ! അയ്യോ! നിന്റെ
അടിമലർഗതി മമ ത്രിയേകനാകുമെൻ
പരമകൃപാനിധിയല്ലോ നീ- എന്തീ
പരമ നീചനിലിത്ര ദയതോന്നി!
നിന്റെ മകനെന്നിനിയെങ്ങനെ
ഞാൻ മൊഴിവേനയ്യോ!എൻ
1. നിഞ്ചേവടി വിട്ടോടിപ്പോയേനേ- കഷ്ടം
പഞ്ചപാതകന്നടി പണിഞ്ഞേനേ
നെഞ്ചിൽ തിരുക്കനിവെ വെടിഞ്ഞേനേ- മാമോ-
നഞ്ചിപന്നികൾ മേയ്പാൻ പോയേനേ
ക്ഷുത്താൽ മെലിഞ്ഞേനേ തവിടിന്നലഞ്ഞേനേ
കണ്ണീർ ചൊരിഞ്ഞേ പൊരിഞ്ഞേ വരുന്നേനടിമയയ്യോ!എൻ
2. സർപ്പസന്തതിയുളളിൽ വഹിച്ചേനേ നിന്നു-
യിർപ്പിൻ കുട്ടികളാക്കി വരിച്ചേനേ
അപ്പാ! നിൻ ധനമെല്ലാം മുടിച്ചേനേ- ലോക
കുപ്പക്കുഴിയിലേവം മദിച്ചേനേ
മണ്ണേ അണിഞ്ഞേനേ വിണ്ണേ ഉരിഞ്ഞേനേ
അയ്യോ! പറവാനരുതേ കൃപതേ ശരണമെനിക്കു¬- എൻ
3. തിരുമുഖത്തു നോക്കുവാൻ മടിക്കുന്നേ-തിരു
ക്കരൾക്കനിവോർത്തെൻ വായ് തുറക്കുന്നേ
തിരുക്കൈയണപ്പെൻ മനമുരുക്കുന്നേ-നിന്റെ
തിരുവായ് ചുംബനം ദേഹം തളർത്തുന്നേ
ഉളളം ഉരുകുന്നു-വെളളം നികരുന്നു-തിരു
ചരണം ശരണം ശരണം കരുണാനിധേ! എൻ.
Download pdf